المشاكل النفسية وضغوط الحياة
كتب د . محمد رمضان
المشاكل النفسية وضغوط الحياة مستمرة… واللي هينتظر انها تخلص يبقي زي اللي منتظر ان مية البحر تخلص عشان كده احنا محتاجين نتعلم ازاي نديرها لصالحنا ومنخليهاش تأثر علينا بشكل يغير شخصياتنا للأسوء.
هناك عدة خطوات تساعدك على التكيف مع الضغوط النفسية
أعلن التحدي
حتي لوكنت تعبان ومنهك نفسيا وملكش نفس تعمل حاجة أوعي تستسلم واستعن بالله ولا تعجز.
كله بيعدي
لازم تقتنع بكده ان مهما كانت مشكلتك كبيرة فكله بيعديان مع العسر يسرا فانتظر الفرج ولا تيأس.
متقعدتش في البيت كتير
لأنك هتفكر كتير وهتدخل في دايرة حلزونية ملهاش اخر انزل وأتحرك وأشغل نفسك بحاجة جديدة … وده هتعمله كل يوم مش يوم في الأسبوع” اسعي يا عبد”
فلتر علاقاتك
لأن ممكن يكون في شخص مش تمام في حياتك مستهلك طاقتك ووقتك وأعصابك وانت مش واخد بالك انت محتاج ناس بيحبوك يبقوا قريبين منك ويفرغولك وقت عشان يسمعوك بجد.
