ازيك حبيبي
بقلمي سحر ابوالعلا
ازيك حبيبي
وازيها
بسرعة من بعدي
اوام وقعت في
حبها
قولي صحيح
بتحبها
ولا انت بعدي
زي منّي
داخل تضيع
وقتها
وتشدها وفي حبال
هواك الدايبة توقع
قلبها
وأما خلاص زي
منّي تضمن
حبها
ألف حجة وقتها
هتقول لها
وفجأة تكسر
قلبها
وبعد الوعود الزايفة
تبعد عنها
ومن بعدها
هتدور تدور في البنات
على واحدة غيرها
تشبهني أو تشبه
لها
وترمي شباكك
عندها
ونفس الكلام
يتقال لها
ونفس الوعود
وبعد ما تضمن
حبها
بسهولة تكسر
قلبها
قلبك ده ايه
كداب كبير
في الحب
ممثل قدير
لكن مفيش في
الدنيا شر
تلاقي ابدا قصاده
خير
ربك كبير
قادر في يوم
يرجع حقي
وحقها.
