محتارة
انا محتارة
مش عارفة
انا يا حبيبى
مش فاهمة
ليه الدنيا معاندانا ..
قابلتك ليه
ما دام دايما
بعيد عنى
و انا برضه
بعيد عنك
انا يا حبيبى بتألم
حاسس بيا
و لا علشان
مش بأتكلم
تقول هى
اكيد راضية
و معاها ابدا مش فارقة
لا يا حبيبى دى فارقة
و فارقة كثير
اكون وياك
ولا مع الغير !
اكيد فارقة
اكيد كان نفسى
اكون جنبك
و انت كمان
واسال قلبك
سامحنى لو بأتغير
وامرى حبة بيحير
انا مغلوبة على امرى
ولو تعلم يهون عمرى
ولابتهون على قلبى
ولأمتى الدنيا بتلعب بينا
لو مرة تفرحنا
مرات بتبكينا
وأنا يا حبيبى محتارة
ليه الدنيا معاندانا
قابلتك ليه
ما دام دائما بعيد عني
وأنا برضه بعيد عنك
قابلتك ليه؟
ميرفت_عبدالله
