شعر وادب

ليكي أكتب…..

ليكي أكتب…..

بقلم/ د.شعبان الشهاوي 

باصبح ع اللي واحشاني
سنين عمري مسانداني
بأغير منك وده لأني
ملكتي القلب والنني
صباح باقي باشواقي
صباح نادي
وشجر طارح ف اوراقي
صباح عصافير وبتشقشق
تطير ترجع على كتافي
احس الكون بقى دافي
صباح كافي
يكون فيه الدوا شافي
صباح ترتيل مع تلاوة
يامالية القلب بغلاوة
صباح قلبي اللي بينادي
وبيردد أنا راضي
صباح لوشوش وحد بشوش
لاحطة ف روج
ولاغاوية خداع برتوش
صباح بكرة مع امبارح
وليل ونهار وانا سارح
صباح بساتين ومبدورة
بشوق وحنين على الغاليين
وناس حلوين
صباح الدين مع الدنيا
يمين بالله
انا ماأقدر أعيش ثانية
بعيد عن مصرنا الغالية
مليش غيرك بلد تانية
ده مصر مش موريتانيا
حانام وأصحى
وليكي اكتب قصيدة تانية

21/12/2021

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى