عاد الشتا 

عاد الشتا 

ميرفت_عبدالله

عاد الشتا ..

واد ايه بأحن..

لإحساس وحرف

وغنوة لقا!

وشباك يطل

على شارعنا اللى كان..

بيعشق خطوتنا زمان ..

كانت خطوتنا تفرحه

تملاه حياة ..

لو دمعة منا تجرحه

يحسنا ويقول الأه !

شارعنا كان

نبضه أمان

وشتاه أمل

ووعد لربيع

يملاه غنا ويفرحه

عاد الشتا وبابه خريف

يغسل باقى خطاوى الصيف

وكل فصل في مطرحه

إحساس لذكرى ..

يمكن تكون بتفرحه

جايز تكون بتجرحه

لكنها فى النهاية

بداية .. !

كل فصل يحكى حكاية

عن عناد الحياة ..

وقلب قادر ينبض

ويحضن جواه ذكراه

ويكمل خطاوى الحياة

لكل خطوة حكاية

خطوة فرحة

خطوة جارحة

وبين لحظة ولحظة

قادرة تتبدل حياة!

#ميرفت_عبدالله