تلاكيك…..

تلاكيك…..

بقلم د/ شعبان الشهاوى  

كل الحكاية انها

باين عليها كلها

حبة تلاكيك

لاشعري مرة هزها

ولا حرف مني ذمها

بالعكس شيك

علشان باعز اهلها

والأم منها دمها

حأفضل رقيق

لايوم حاكون اللي ابتدى

وبأدبي حأبقى بردو انا

عقلي كبير

ولو التجاهل فيه هنا

يكفيني لو مليون سنة

راحة الضمير

الود صونته بالقلم

وصداقتى يشهدها الورق

وآهو دا الدليل

ميرسي وشكرا ع الجفا

ويابخته اللى يوم عفا

لو بالكلام

سلام و ١٠٠ مليون سلام

آسف مفيش خلاص ملام

ولاعتاب ولا صدام

اصل الكبير لازم يغير

يفضل كبير

وعمره يوم ماحينحنى

لتلاكيك صغير

6/3/2021