طيبين

طيبين!

بقلم مرفت عبد الله

ليه دايما لما بنكون طيبين
بيقابل طيبتنا الشر!
وليه لما بنضحي لناس تانين
بيضحوا بينا بأرخص سعر؟
وأزاي وليه قلب يقسى
ودايما جاهز وياه عذر!
وناس لو تطمن أنك بتحبها
تقسى وتنسى وتذوق منها المر!
ولما القلب اللي كان بيحب
يتبرأ من ذنب الحب
تلاقي القلب اللي كان بايع
رجع له أوام وقال شاري!
ونبضه اللي كان ضايع
يعود له في لحظة من تاني!
ويتمنى يعود له حبيبه
من بعد ما ضيعه بأيده
يا ناس كفاية حرام
ليه في قلوبكم الغرام
لعبة لقا وخصام
مالكوا ومال الهوا
وفين انتوا من العاشقين
نار الغرام دي دوا
في قلوب المغرمين
لكن قلوبكم قاسية
قدرت تقسى سنين
بعد ما باعت في لحظة
قتلت فينا الحنين
مبقاش ممكن نسامح
غدر قلوبكم سنين
سيبونا زي ما أحنا
سيبونا طيبين!

#ميرفت_عبدالله