ضعف الذاكرة وكيفية الحفاظ عليها
متابعة / البتول إبراهيم
ضعف الذاكرة مش مرض صعب .. بس هو بإيدك تبطل توتر سواء من إمتحان أو من صفقة داخل عليها ولا من مقابلة شغل ولا من أي حاجة شايل همها عموماً عشان مش هينوبك غير عدم الإنتباه والتشتيت والنسيان وأعتقد دي آخر حاجة أنت محتاجها في موقف زي دة .. محتاج تعالج الإكتئاب ماتطولش فيه ماتقاوحش إنك هتفضل كدة عشان على ما هتطلع منه هتكتشف إن الإجهاد المزمن اللي عيشته جوا الإكتئاب دة عملك خلل في وظائف الدماغ .. كفاية قلق من كل صغيرة وكبيرة عشان الإضطرابات النفسية دافع قوي للنسيان ..
بلبعة الأدوية من غير وعي بآثارها الجانبية ممكن يبقى عامل لمشاكل الأعصاب وأعصاب يعني المخ يعني الذاكرة .. ماتحرمش نفسك من النوم تحت أي مُسمى تماماً عشان أنت بتأذي نفسك جسمانياً ونفسياً وعصبياً وطبيعي وبديهي جداً ماتفتكرش حاجة .. ڤيتامين B12 مهم جداً جداً عشان الخلايا العصبية ..
اللي ممكن تقلل منه هو خبطة على الرأس أو قصور الغدة الدرقية أو وجود ورم دي الحالات الطبية البحته اللي تكون سبب واضح وصريح وبرضو مش صعب علاجها ..
دون ملاحظاتك .. أكتب قائمة بأعمالك .. ماتعملش حاجتين في وقت واحد .. نظم الكلام مع غيرك في المكان الصح ..
أشرب مريمية أو روزماري مفيدين جداً في الذاكرة بس حاسب منهم لو مريض ضغط .. حلي بشيكولاتة دارك (غامقة/خام) حلوة برضو عشان الذاكرة .. عندك الچنكو دة تركيز وذاكرة وفوقان جبارين محدش بيمتحن مابياخدوش .. نبات البراهمي ماعتقدش إن حد مايعرفوش عشان هو أساساً نبات الأعصاب والإدراك والإستيعاب وتقليل القلق والتوتر والزهايمر والأنتباه
