تكريم حسن الرداد وإيمي سميرغانم في مهرجان الأقصر للسينما الأفريقية
الاقصر/ حماده النجار السليمى
كرمت إدارة مهرجان السينما الإفريقية بالأقصر الفنان حسن الرداد وزوجته الفنانة إيمي سمير غانم، وذلك خلال حفل انطلاق الحفل في دورته الـ 13.
وعلق حسن الرداد عن تكريمه قائلا: “في البداية عايز أشكر مهرجان الأقصر على التكريم وبشكر سيد فؤاد وحبيبي الرئيس الشرفي للمهرجان محمود حميدة، وسعيد أني موجود وسطكم ووسط أستاذتي الكبار ومع المخرج محمد ياسين المخرج الكبير”.
وأضاف: “اشتغلت معاه في مسلسل مهم جدا وهو الجماعة وسعيد أني ممثل وبنتمي لهذه المهنة وأول فيلم أتقدم فيه بالسينما كان فيلم أحكي يا شهرزاد، وأول مهرجان في حياتي كان مهرجان فيسنسيا، وكنت متشرف أني شغال مع محمود حميدة في الفيلم ودلوقتي 2024 بتكرم في بلدي”.
بينما قالت إيمي سمير غانم بعد تكريمها: “أنا بتكسف اوي في الحاجات دي بس شكرا على التكريم وأتحرج أنهم قالوا إني امتداد لماري منيب وحسيت أني أنا أصغر من أن يتقال اسمي مع الناس العظيمة دي وطبعا أصغر من أني أتكرم وسط المخرجين والمنتجين الكبار ودايما هما بيهدوا الجوائز للناس ولكن أنا مش ههدي الجايزة لحد أنا هاخودها لنفسي”.
