أنا مراتي ست زي القمر
بقلم : شيري حنا
الجمال نسبي وكل واحد وله ذوقه الشخصي وتفضيلاته واختياراته، فهناك من يرى الجمال في البشرة الفاتحة والعيون الملونة، وهناك من يرى ان السمار نصف الجمال، وهناك من يفضل الجسم النحيف الممشوق، وآخر يرى الجمال في الجسم الممتلئ، حتى ملامح الوجه أختلف الجميع عليها.
منذ فترة تعرض الفنان الوسيم آسر ياسين لبعض من حملات السخرية والتعليقات السيئة التي طالت زوجته الجميلة الراقية مصممة الأزياء كنزي عبدالله بعد زواجهم ثم ظهورهم بمهرجان الجونة.
فتم التعليق من البعض على الشكل وفارق السن بينهم وكان رده الدائم :
مراتي أجمل ست في العالم.
فارق السن لا يعنيني وأرى زوجتي في عيني ملاك وهي سر سعادتي مكتفيا بها.
حيث قيل انه يبلغ من العمر وقتها ٣١ عام وهي تبلغ ٣٥ عام لكن نفي آسر فارق السن معلقاً:
* بحبها وشكلها حلو ومش اكبر مني*
وفي أحدي المقابلات التلفزيونية مع الاعلامية المتميزة وفاء الكيلاني حين سأل عن قصة أرتباطه وزواجه علق قائلاً:
انا اتجوزت متأخر وانا ٣١ سنة مااتجوزتش لمجرد اني عايز اتجوز لكن كان فارق معايا الست اللي هتجوزها
قبل ما اقابل كنزي مريت بعلاقات عاطفية كتير مانجحتش ، وأول ماشفتها حصل انجذاب بينا ولأول مرة أبادر واطلب مقابلة لكن ما اتقبلناش وقتها وبعدها بسنتين اتقابلنا تاني وتم الزواج.
اتجوزت عشان بحب ومقتنع وعايزاها تبقى جزء من عيلتي وأم لأولادي.
لما تختار شريك حياة :
اختار اللي يشبه روحك ويشبعها بالحب.
اختار اللي شايفه عيلة وسكن وأمان وسند وحب.
اختار اختيارك انت مش أختيار الناس.
المناسب في عينك انت مش بالمواصفات القياسية للناس.
اختار المناسب مش المثالي.
جوازات كتير تمت وكانت تبدو مثالية جداً لكن فشلت فشل زريع.
الجواز رحلة حياة فأختار شريك رحلتك بعناية.
اختار رفيق روحك وسندك اللي يكمل معاك مش يكمل عليك.
