متابعه/غادةإبراهيم .
محمود فرج اتولد فى يناير سنة 1933 في إسكندرية، وكان غاوى رياضة وبوكس من صغره، وفضل يجتهد عشان يبقى من المتفوقين فى الملاكمة لحد ما بقى فعلا من اشهر أبطال الجمهورية فى البوكس، وده اللى فتح له الطريق عشان يدخل عالم التمثيل، وعشان كده هتلاقى اغلب ادواره فى البدايات محصورة فى شخصية الملاكم او اللى بيستخدم الملاكمة فى ضرب البطل.
فرج كان عارف ان الفن مالوش أمان، وعشان كده فضل محافظ على وظيفته فى وزارة الكهربا، واتحال للمعاش وهو على درجة وكيل وزارة، لكن فى ايامه الاخيرة كان فارق معاه جدا ان محدش من الوسط بيسأل عنه .. سواء بشكل شخصي ويقوله عامل ايه وعايش ازاى ؟ أو على المستوى المهنى، بأن يجيله عروض جديدة، وده أثر عليه نفسيا بشكل كبير لحد ما زادت وغطت فاتورة الميه اللى قضت عليه.
فى اواخر ايامه كان فرج صرف كل فلوسة على علاج السكر اللى اضطر بسببه انه يقطع رجله، ده بخلاف ان السكر اثر على نظرة بدرجة كبيرة ومبقاش يشوف بعينه اليمين، وفى يوم من الايام شركة الميه قطعت عنه الميه لانه مش لاقى يدفع الفاتوة، وقتها حس أن مفيش حد واقف معاه، وأن الدنيا مش مستاهلة أن الواحد يبكى عليها او حتى يفضل فيها، وفضل فرج يعانى من اليأس والحسرة والاكتئاب لحد ما مات يوم 5 يوليو سنة 2009
