الواد غلبان
بقلمي سحر ابوالعلا
الواد غلبان
قال إيه قلبه المسكين
واقع في الحب
آه… يادي الغلب
طب كان جه
وسألني قبلة
وانا كنت قلت له
ليه عنتر زمان
متجوزش عبلة
وازاي انتحر روميو
ما اهو اصل الحب
من امتى كان نصَف صاحبه
ده الحب ده اكبر كدبة وزيف
كل اللي داقوه بيقولوا يا لطيف
وقعنا الحب ولا سمّى
من بعد ما في بحره غرقنا
له قارب بس ملوش مجداف
مين جربه ولا ابدا ما ف يوم خاف
ده الحب صحيح دايما متشاف
زي السكر بس حقيقته شهد ممرر
