يا قلبى اللى اتوجع
على دمعة الجدع
يا قلبه المأهور
يا خاطره المكسور
يا خطوته التقيلة
يا قلة الحيلة
يا دنيته الرزيلة
قام من حلمه اتفجع
حلم بسكه مفروشة ورد
شهادة وشغلانه ده كان وعد
بيت صغير هدوء و سكن
لكن مع الوقت
اطفى النور البسيط
اللى كان ماشى وراه
راح الامل اللى بيستناه
ما كان عايز مال و لا جاه
كان عايز بس يتستر
كان عايز من الناس يتعذر
كان عايز حد يدعمه
يفهمه يفكر معاه
ما كانش بقى رجلين
بس مش شيلاه
بتتحرك بس
ما بتوصلش لمكان
بقى عنين بس مش شايفه
بقى اعضاء فى الجسم
مش عايشه
بقى سرحان فى ملكوت الله
بطل يفكر لبكرة
استسلم ورمى سلاحه يا ولداه
كتب على قبره للذكرى
هنا جه انسان على سهوا
قبره كان كرسى
و ترابيزه على قهوة
بقلمى
راندة محمود
