ليه

ليه
سحر ابوالعلا

مسبتش بينا أي مجال
تقول نرجع ده أمر محال
مع ان في أول قصتنا
مكنش فراقنا يوم ع البال
أنا فاكرة لسة كأنه امبارح
أول لقا
نظرة عنيك متعلقة
زي طفل في وسط زحمة
في ايد أمه اديه متشعلقة
وانا برضو مخبيش عليك
كنت شايلة عيني عنك
بس قلبي يومها كان
بيتلفت إليك
قلت يومها الحب جاني
وانت يومها قربت لي
ومديت اديك
قلت لي لو تسمحي
قلبي طالب قرب قلبك
يومها فعلا كنت ساكتة
بس لمعة عيني يومها
وصلت ردي عليك
وابتدت ما بينا قصة
بس دايما كنت حاسة
حاجة ناقصة
يمكن احساس بالأمان
كنت رسمالك خيال
حاجة فيها من المحال
كنت بلجأ لك في ضعفي
واجري على حضنك
اخبي دمع عيني
كنت بتمنى اعيش معاك
أجمل سنيني
بس فجأة اتحولت
كل الآمال
زي قصر بنيته معاك
فوق الرمال
خنت ليه حلمي وآمالي
عيشتني اداوي في آلامي