شعر وادب

قصيدة الذكريات ….

بقلم: ريم دراز 

الجزء الاول

بسرح بخيالي في كتاب مفقود
منه الصفحات وفي قلبه وعود
كانت مكتوبه بحبر التفكير
وبدور على صفحه كانت نقصاني
وفتحت الفهرس ادور من تاني
فلقيت الفهرس مش موجود
فصبرت وقلت اتأكد من عنوانه
يمكن مش هو كتابي
فلقيت عنوانه نقصه حروف
وفضلت ابص فيه واشوف
كل الصفحات
طب فين وازي مش فاهمه
انا عوزه كتابي المكتوب
كل الصفحات بلحبر الأسود
والحبر مغطي نص الكلمات
فحولت ارجع من قلبي ذكرياته
ودقيت بابا لأجل اسإله لقيته مات
فجريت على عقلي لقيته فاقد
كل الذكريات
وناسي في حياته كل اللي فات
ومشتاق لسعاده تسكنه من جديد
وكتبت ايامي المره دي على الحديد
يمكن متمحهوش الايام
يمكن متسكنهوش الآلام زي كتابي
اللي فات اللي اتحول لرماد
في الجو مفقود
وكانت صفحاته حالفه ما تعود

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى