تعددت الأسماء والطبخة واحدة.
دعاء موسى
من كام يوم حصلت خنافة كبيرة وجدال استمر ساعات ويمكن يومين كاملين على اكلة معينة حد نزل صورة طبخة وكتب عليها اكلة مطروحية أصيلة عنها وعينك ما تشوف الا النور بدأت الخناقة و اللي يقول لا دة اكلة ليبية واللي يقول جزائرية واللي يقول سودانية وكل واحد بينسب الاكلة دي لبلده و لم تتوقف عند هذا الحد دي وصلت للسب والشتائم بين المعلقين على البوست.
احنا زمان لما درسنا الوطن العربي كنا بندزس كدة ان الوطن العربي ٢٢ دولة يشتركون في اللغة والتاريخ والثقافة.
لاحظت كمان تعالي وعجرفة من بعض الجنسيات العربية اللي عندهم رخاء اقتصادي للجنسيات الأخرى الله واحدة قالت فيما معناه ان الجنسيات العربية الأخرى بيروحوا دولتها يشتغلوا خدامين وعمال نظافة وان لولا فلوسهم كانوا ماتوا من الجوع.
بصراحة الكلام دة ضايقني و جعني جدا قولت فين نخوة العرب وترابطهم اللي اتكلم عنه التاريخ في حرب أكتوبر وحرب اليمن فين الثقافة الدينية اللي تعرف الشباب دول ان زمان ايام سيدنا يوسف والقحذ اللي عم العالم كله مصر هي اللي انقذتهم من المجاعة ومع ذلك محدش قال ان الشعوب اللي جايةمثر تاخد اكل شحاتين ولا حد قال ان وقفة العرب مع مصر في حرب أكتوبر منة من شعب تاني.
كان في تربية وادب وناس فاهمة انه لا فضل لشخص عن الأخ الا التقوى.
اما الاكل والشرب و طريقة اللبس ما هي اختلاف بسيط في الثقافة وفي النهاية كلنا عرب.
والاختلاف في الرأي لايفسد للود قضية الاكل تراث ثقافي يبقى ليه نختلف مع بعض على حاجة زي دي وتوصل اننا نشتم بعض ونشتم شعب كامل بسبب حاجة بسيطة كدة.
في النهاية كلها مسميات مختلفة لشبئ واحد ممكن تكون طبخة بنفس الشكل والمكون الرئيسي أكن فيها إضافات مختلفة وليها اسم مختلف من دولة لأخرى دة كمان داخل نفس الدولة بتختلف من محافظة لأخرى.
عايزين نعلم ولادنا ان التعالي والغرور والكبر نهايتهم وحشة وان ربنا مهنا عنهم وان ميثخش نشتم الناس لمجرد اختلافهم معنا في الرأي. وتعددت الأسماء والطبخة واحدة.
