سحر ابوالعلا
لك عندي بواقي سلام
من آخر لقا
مكملناش يومها الكلام
ولا قلت يومها
إن ده لقانا الاخير
سبتني ومشيت اوام
سبت قلبي لوحده
بعدها في حيرة
لسة جوة منه لك
اسئلة كتيرة
اسئلة ملهاش جواب
بعدت ليه من غير أسباب
زي حياتي ما دخلتها
من غير أسباب
فجأة مشيت وسبتني
ورجعت انا وقلبي اغراب
طب كنت يومها قلت لي
إن ده لقانا الاخير
مكنتش سبت قلبي
يغرق في بحر اسئلته الكتير
وكنت قفلت بعد منك ألف باب
رغم إنه لسة لك جوايا كتير عتاب
بس هعتب ليه عليك
العتب بس ع الأحباب.
