أفكار للسحور
كتبت / ساميه ربيع
١- شكشوكة البطاطس
المكونات:
٢ بطاطس مكعبات، طماطم مقطعة مكعبات، فلفل أخضر رومي مقطع مكعبات، ٤ بيض ، ملح ، كمون، بابريكا، زيت ، بصله
طريقة التحضير :
١- أشوح البطاطس في الزيت وأقلبها حتي تأخد لون
٢- أضيف البصل والفلفل الرومي مع الملح والكمون والبابريكا اقلبهم وأضيف الطماطم
٣- اقلب الطماطم حتي تدبل
٤- اعمل فتحات وأكسر البيض في الفتحات
٥- اهدي النار وأغطيها وأتركها حتي تنضج
٦- في طبق التقديم علي الوجه رشة بقدونس
وبالهنا
٢- فول بالخلطة والطحينة
المكونات :
فول، بصلة صغيرة مفرومة، ملح ، كمون ، فلفل أخضر رومي، ٤ملاعق زيت ، ٢ طماطم مقطعة صغير ، ٢ملعقة طحينة، بابريكا
طريقة التحضير:
١- اناء علي النار أضيف زيت مع البصل المفروم يأخذ لون دهبي
٢- أضيف الفلفل الأخضر الرومي وملح وكمون وبابريكا
٣- ثم أضيف الطماطم تدبل أضيف الفول مع الخليط وأقلب جيدا
٤- يرفع من علي النار ويصب الفول في طبق التقديم ويوضع علي الوجه طحينة مع رشة كمون
وبالهنا
٣- بطاطس مهروسه بالزيت
المكونات:
بطاطس مسلوقة ومقشرة، زيت وملح، كمون ، رشة شطة ، بقدونس
طريقة التحضير :
١- أضيف البطاطس في طبق واهرسها
٢- أضيف عليها ملح وكمون ورشة شطة وأقلبهم معا
٣- وأضيف البقدونس والزيت وأقلبهم
٤- تقدم في طبق التقديم
وبالهنا
