بنغيب
بقلمي سحر ابوالعلا
بنغيب
مش عشقا في الوحدة
ولا حب في ذاتنا وانانية
بنغيب
علشان حاسين روحنا
اغراب في دنيا مهش لينا
ولا هي شبهنا ولا شبهها
بنغيب
يمكن نلقى حد يشتاق
ويدور علينا
ومن وسط اللمة يحس
غيابنا فراغ
فمبنلقاش
ونحس غيابنا زي حضورنا
مش فارق
وحياتهم من غيرنا
عادي كاملة مش ناقصة
فبنرجع تاني لغيابنا
نقفل باب وحدتنا علينا
الوحدة صحيح مش محبوبة
لكنها حبتنا ورضيت بينا
أصبح حب الوحدة
زي شيء مفروض علينا.
