ياللي اتعصرتي زمن …….. و ما هد حيلك حد
مهما دفعتي التمن ……….. عودك قوام يشتد
مهما الليالي تجيب ……….. مهما يميل حظك
واقفه ف وش الريح ……. ولا عمر شيئ هزك
أيام توري البدع ……… و سنين تشيل وتحط
وغلبتي مليون جدع .. وانتي اللي أجمل ست
وحده بدم خفيف …… أصل و طيابة وظُرف
عنتر و شايل سيف ….. لو حد داسـلك طرف
مهما زمانك عَمَـل ……… زي الألف ع السطر
متعصبه بالأمــل …………… متكحله بالستر
ياللي اتعصرتي سنين …. مين اللي زيك مين
و الله إنك جمـل ………… و عفيه زي القطر
.
غلبتى مليون جدع وانتى اجمل ست
.
كلمات /الشاعر اللواء محمد هيكل
