حاجات مفهمتهاش!
ميرفت عبدالله
في حاجات مفهمتهاش في وقتها
وزعلت اوي من نفسي لما عرفتها
لما أكتشفت أني كنت ساذجة أوي
وقلبي البرئ كان مصدق وقتها
أن اللي كان عايش وقادر يستمر
وأن مفيش قلب بيخدع قلب حب
وأن الحكاية بس محتاجة لصبر
رغم أن قلبي أنا لماح
معرفش يقرأ بين السطور
رغم الوجع رغم الجراح
كان لسه جناحه جناح عصفور
لكن لما وجعه السماح
قدر يطير بين الصقور
مبقاش بطيبته ساذج متاح
مبقاش على القاسين صبور
ندم أوي على اللي راح
وأنه مفهمش الأمور
وأكتشفت أد أيه أنا كنت ساذجة وقتها !
#ميرفت_عبدالله
