Uncategorized

إسمع … يا مسيحي

إسمع … يا مسيحي

الشاعر اللواء محمد هيكل

إسمع … يا مسيحي ….. منك …. له

و اشهدوا ….. ياجميع أهلي و ناسي

إنت …… اللي حبيب .. القلب دا هه

و انت .. اللي أخويا …. و تاج راسي

 

إنت اللي رفيقي …… ف لقمة عيش

وشريكي … ف ارض و سـكه و بيت

وانت اللي زميلي .. هناك ف الجيش

وضحكت معايا … كتير …. و بكيت

 

قدمنا … ب حب … كتير …. روحنا

فدا .. بلدي …. و علشان … كرامتنا

ما انا و انت … عشان مصر .. فرحنا

و انا و انت .. عشان عرضها .. موتنا

 

إحنا اللي مصيرنا …. مصير .. واحد

و طريقنا .. قصادنا ……..و شايفينه

فا لا تسمع .. يوم … مره .. ل جاحد

و لا حد .. مهوش ….. فاهم … دينه

 

أنا … ضلك ….. ف الدنيا … و نصك

أنا مسلم … صاحي .. ف قلبي يقين

إن اللي .. ب سوء .. يوم … هيمسّك

فا نبينا ….. خصيمه … ل يوم الدين

 

أصلي … اتربيت ……. في الشرقية

على .. فطرة … ناس …….. متربيه

الغدا .. يجمع …… حمدي و نصحي

و العشا …. على … نفس .. الطبليه

 

و طلعت … لقيت …….. عمي وديع

مع أبويا … أخوه .. و صاحبه الحِلّي

و طلعت … لقيت …… خالتي ماريا

اخت أمي ….. و نور عينها … تمللي

 

أبنوب ….. كان دايما ……. ملازمني

و يوماتي ……. بنلعب …. ف الحته

وموريس … ف التخته … مقاسمني

من … أولى …… لغاية … سنه سته

 

من كتر ….. الطيبه …….. اتلخبطنا

مين .. أحمد فينا … و مين .. متى!؟

لا نفرق .. مين … هوه …… القبطي

و لا .. مين … هوه المسلـم … حتى

 

فا لا تسمح يوم … ل مريض نفسي

يدخّل …. بين …… البير .. و غطاه

كلنا … ف بلدنا ….. اخوات و اكتر

كلنا … و الله ………. عبيد …. لله

 

و الله … هتفضل …. بلدي .. بخير

و الوحده .. ما بينا .. هتفضل نصر

و هيفضل جنب … الجامع …. دير

بيصلوا … جماعه .. و يدعوا لمصر

اللهم وحد شعب مصر الحبيب

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى