احب اطمنكم انى بخير
لو وقعت يعنى عادى
بعتبر الوقعة تغيير
ولوا تكسرت
كل اللى بحتاجه
حبة مسامير
الوضع مش بيبقى خطير
مع شوية وقت
بقوم و حصل خير
فى قلبى طفل كبير
كل ما يقع يقوم
يعيط شوية وينسى الهموم
لسه الدنيا بتبهرنى
واللى بشوفه بيجبرنى
ان اعيش اليوم
بميت علامة استفهام
لو مشيت بحر الاوهام
المهم بعرف اعوم
لوبطلت احلم لما انام
لو فقدت الاهتمام
ساعتها ابقى اتكسرت
و معرفتش اقوم
راندة محمود
