يا كل حاجه وعكسها
كتب د:سامح الهواري
العقليه المصريه الغريبه كل حاجه والعكس تراهن عليا والكل يرشحني للبطوله افأجا الكل وأخرج بدري من البطولة زي النسخه الماضيه.
تراهن على فشلي اتحدي نفسي واطلع البطل اللي جوايابصراحة اللى ظبط الدنيا بطولة كأس العرب هى اللى قربت مشاعر الدول العربية من بعض ولما جت بعدها بطولة إفريقيا بدأنا نحصد المشاعر الجميلة من كأس العرب وي رب دايما نكمل الود بينا وبين اوطنا العربية كلنا وطن واحدغير إن أصلا المشوار كله صعب.. يعني فرقة زي السنغال في النهائي علي حساب تلت فرق مستوي تالت إحنا في النهائي علي حساب فرق كلها كانت مرشحة وصاحب الارض امنياتي بفوز مصر على السنغال والحصول على البطولة بقت اكبر من مجرد كرة قدم .. البطولة دي عجيبة جدا وحصل فيها حاجات بتختصر مجلدات ..
ستوديو بين سبورت القطرية مليان بمحللين من اكتر من جنسية عربية..كلهم بدون استثناء فرحانين بصدق وحب بدون تكلف وادعاءات..
قناة جزائرية مفتوحة المعلق اللي عليها كأنه من مواليد إمبابة .. فيديوهات منتشرة لقهاوي في المغرب والجزائر وتونس وفلسطين متقدرش تفرقها عن قهوة في شبرا ولا بولاق .حتي اخونا في ليبيا يطوفون شوارع بنغازي رافعين الاعلام المصريه ظواهر تفرح وياريت يتبني عليها ..
قيمة انك تتعثر في البداية ويشاور عليك الكل كحصان عجوز بيتمنى يقابلك عشان يدوس عليك وينهي اسطورتك أو يخلص فيك دين قديم معلم جواه ..فتمشي فعلا في سكة اعتى فرق القارة ويتولد من رحم الإخفاق وسوء المستوى رغبة وإرادة حقيقية وروح وقلب فتكسبهم كلهم ..
يقع منك خط دفاع بالكامل بحراس مرماه ومتدخلش ماتش الا وأنت مغير في التشكيل ..تلعب 3 ماتشات 120 دقيقة يوقعوا جبال ومع ذلك واقف على رجلك وقافش في الانتصار ..
تواجه صاحب الأرض والجمهور وسط فساد إداري وتحكيم متحفز ضدك وملعب في منتهى السوء وظروف كتير تخلي ليك الف عذر للخسارة لكن برضه تعافر وتنجح ..
العدل والانصاف بعد المشوار الصعب ده هو التتويج باللقب إن شاء الله
