كده خضتينى يا صحبتى
مشيتى و خدتى ضحكتى
لما اكون فى الدرس بتكلم معاكى
لما افتح الفيس و ألقاكى
لما تانى يوم استناكى
عشان نمشى سوا
كده خضتينى يا صحبتى
تانى يوم كده مالاقيكيش
عنيه بتسأل هى فين ؟
بس الكل ما جاوبنيش
فين صحبتى ليه ما بتجيش؟
كده خضتينى يا صحبتى
كفايا ما تقولش بصوت
هو فيه هزار فى الموت
دى كانت لسه فى احضانى
ارجوك دور تانى
يمكن نايمة ثوانى
ح تصحى مش ح تلقانى
ح تتخض
كده خضتينى يا صحبتى
طب خلاص مشيتى و مش قايلة لحد
يا رب جنتك تكون ورد
و كل سكتك جنة
فاكرينك طول الوقت
باصين عليكى من بعيد
بتتولدى فى قلوبنامن جديد
ح اغمض عيونى و اتخيلك
الله يرحمك
راندة محمود
