متابعه/ غادة إبراهيم
كلها مجربة وبسيطة وسحرها فتاك
يلا نبدأ يا فراشاتي الحلويين
عايزة ريحتك تبقى تجنن ؟
هاتي أي زيت جسم للأطفال (اللي ريحته ناعمة)، وضيفي عليه علبة صغيرة من عطرك المفضل – مش لازم غالي، المهم ريحته تليق عليكي.
قلبيهم كويس، وادهني جسمك كله بيهم بعد الشاور… وسيبيه ينشف، والبسي.
كمان حطي نقطة في شعرك، ريحتك هتبقى سحر، وكل ما تتحركي… هتعملي فتنة!
ولو جوزك سأل، قولي له: “دي ريحتي يا روحي لتفتيح المنطقة الحساسة ومنع العرق:
اخلطي شبة مطحونة مع شوية من كريم نيفيا، وادهني بيهم المنطقة قبل النوم.
هتصحي الصبح تلاقي نعومة وريحة تحفة، وكمان تفتيح فوري!
عايزة وشك ينور وينضف؟
ابشري خيارة صغيرة، وحطي عليها رشة كركم، وافرديهم على وشك 10 دقايق.
بعدها امسحي بقطنة فيها حليب عشان تشيلي الصفار… وشك هيبرق من أول مرة
لو عايزة وش نقي ومفتح زي القمر:
قبل النوم امسحي وشك بمية ورد مع جليسرين.
أو جربي ماسك مية الرز المسلوق (خليها تبرد) مع شوية عسل ولبن… النتيجة؟ وش زجاج
شفايفك غامقة؟ عايزاها وردي طبيعي؟
افركي شفايفك بليمون وسكر، وسيبيهم ساعتين، وبعدين اغسلي… هتبهري نفسك
للهالات السودا والتعب تحت العين:
اهرسي شوية نعناع طازة، وحطيه كمادات تحت عنيكي، أو استعملي زيت اللوز الحلو كل ليلة.
كمادات مية ورد كمان سحرية وبتدي نتيجة سريعة جدًا!
شعرك تعبان؟ متقصف؟
اخلطي صفار بيضة مع شامبو وانتي بتغسلي شعرك، هتحسي بنعومة رهيبة.
أو نقعي شوية توم أحمر في زيت لمدة أسبوع، وادهني بيه فروة راسك… هيطول وهيتقوّى وهيبقى تقيل كأنك رجعتي طفلة!
سنانك بتوجعك؟
سخني شوية زيت قرنفل، واعملي بيه كمادات على المكان اللي بيوجعك… الألم هيخف بسرعة
مغص الدورة أو ألم المبيض؟
اعملي قِرعة بلاستيك فيها مية سخنة، وحطيها على بطنك وانتي لابسة Gaine…
هتحسي براحة وهم وهتنسي الألم!
