…ٱمى صاحية
مش جايلها نوم
عمالة تطبق فى الهدوم
كل شوية تنادى اقوم
اسألها عايزة ايه؟
تقولى..
هاتى الكرسى و رصى
فى الدولاب
عايزة رصة اعملها اعجاب
قولتلها …من العيون 👀
بس الصبحية
تقولى بعصبية…👺
خلاص روحى
انا ليه ح اتعب روحى؟
ح اعملها بنفسى
بس اعرفى
انك عليا بتقسى🙀
قلبى على ولدى
وولدى مش فى صفى
خلفتى يا خيبة
و ما تنصفتى👪
يالا امشى
غورى من وشى👺👺
…خلاص ح اعملها
…ابدا والله
دى فرصة و راحت
الدنيا تلاهى
وقلبك جاحد
ادخل اوضتى
وأحط راسى على المخدة
اسمع صوتها…
اصحى يا اوختى
باقينا الصبحية
… اكيد بتضحكى عليا
امتى الوقت عدى؟
ده لسه بدري
تولول بحنية…
انا مال بختى
و وقعتى فى قرعتى
كان نفسى فى بنت نشيطة
تمد ايدها تفوت ف الحيطة
…عايزة اعرف امتى نمتى؟
ومن امتى صحيتى؟
عموما لو مش عجباكى
انا ممكن احضر شنطتى
بتجر ناعم….
ده انتى حبيبتى يا بطتى
دانتى غطايا و فرشتى
قالت لى بشكل صادم…
حضرت لك الفطار يا وزتى
دا انتى رزقى و نعمتى
مش عايزة ياعنيا تساعدينى
برضه ح اشيلك فى عيني
دا انتى محليا دنيتى
…قولى عايزة ايه بالتحديد؟
تعالى اغسلى لى السجاجيد
كان قلبى حاسس…..
انه شئ مش بسيط👅👅👅
راندة محمود
