كتب د.عبدالله مباشر رومانيا
بمناسبة حملة لا للعنف ضد المرأة
واليوم العالمي للمراة
“قصيدة هيا دي الرجولة ”
ليه بس مد الايد يابيه
لسانك وحده مش كفاية!!
مهما اكون عملت ايه
اهدى واتفاهم معايا
حط نفسك يوم مكاني
وياك على الله تكون فهمت
بالأسية كسرت نفسي
وبالاذى الجسدي اتظلمت
مش راح انسى اللي جرالي
مهما فاتت السنين …
…….حاسترجعه
كل ضربة ضربتهالي
حافتكرها والتمن…..!!!حتدفعه
باي حق تمد ايدك
باي حق يفيد ندم
لو تفكر و برجولة
ماكنت ترضى اني انظلم
لو بتحسبها بصحيح
كنت تعرف او تقدر
حجة غبية و عندية !!!
مش مبرر ……غيرك اشطر….
حيضيع مابيننا الاحترام
والسعادة والاهتمام
مش حيبقى شيء تمام
ودي النهاية ليك وليا
حاكون تملي ند ليك
وتضيع حياتنا وبايديك
واللي حتشوفه بعينيك
انسانة تافهة وغلاوية
كل شيء حتشوفه حلو …مش معايا
من غير مافكر حابقى عكسك للنهاية
حانتقم بس بطريقتي فيك ومنك
وانسى احساسي وطيبتي غصب عنك
الحكاية بالتفاهم ود يطرح
مش خناق …ومناكفة دايمة ف كل مطرح
اهدى واتانى وتعالى نعيد حساب
بالمحبة حينفتحلك الف باب
بالمودة والحنان حاديك عنيا
كلمة حلوة بيها تبقى انت اللي ليا
سيبني اشتكي منك اليك
وهاتلي حقي من عينيك
يومها تلعب دور بطولة
وعد اهد الكون عشانك
بس تسعدني بحنانك
……..هيا دي بس الرجولة
