تحويشة عمري لبنتي….
بقلم/ سحر ابو العلا
تحويشة عمري جمعتها فيكي
يا صحبتي وبنتي وفرحة سنيني
يا أغلي ما ليا يا روحي وعنيا
لو تطلبي روحي بروحي افديكي.
يا عمري اللى فات والجاي
بحبك انتي انا قلبي حي
لو بإيدي اجمع سعادة الكون
واهديها ليكي
يا كل مشواري يا ليلي ونهاري
وانا عمري يا حلوة ما يحلي إلا بيكي
ده انا لسة شايفاكي بضفاير
وقلبي جوايا من فرحه بيك طاير
السنين اللى جرت بيا وبيك
مش محسوبة من عمري يا ست البنات
انا لسة شايفاكي بنوتة بفيونكات
والله يا حلوة هتكمل فرحتي بيكي
يوم ما اشوفك يا حلوة بالأبيض طليتي.
#بنتي
