يا صايم
راندة محمود
يا اللي خلقك م الصيام بيضيق
وصوتك جايب لآخر الطريق
وواخد الكل ف سكتك
الغلطان ويا البرئ
ف الشغل بتنفخ غضبان
م الناس على طول زعلان
بتشتكي الدنيا و الزمان
بيخاف أهل بيتك من دخلتك
ولا أمتي ح تطلع طلعتك
من مناخيرك خارج دخان
اللي اهم من الصوم
انك تكون طول اليوم
ولحد ما تروح للنوم
هادي ..مبتسم..رحوم
والا أفطر بقى و خلاصنة
مش عايزين نعرفك ولا تعرفنا
و صيامك مالوش لزوم
