حلق حوش
رانده محمود
اجرى زى الوحوش
وحلق وحوش
وقابل وش خير
وقابل وشوش
تعالب مخالب
بتنزع روموش
مخالب تقطع
ولسان بيبلع
و يملا الكروش
نصيبك بتاعك
ورزق غيرك لن تحوش
نام الليالى مرتاح البال
ما دام عند ربك رزق العيال
اقلق ما تقلق
تتأخر ح تلحق
تتعارك ح تخرج
من غير خدوش
ارسم ملامحك
من غير رتوش
حدد مكانك ..رمم كيانك
فرغ جيوبك و عد القروش
ياما مكايد هزت عروش
حكاوى مكتوبة
جوا المعابد
منقوشة نقوش
و آخرتها
موميا محطوطة جوه نعوش
