مش نهاية سطر

مش نهاية سطر
بقلم د. هدي منجود

كان شاب ماشي ومحتار
شايل همومه ليل ونهار
كل ما يبدأ حلم جديد
يرجع مكسور بانكسار

جرّب شغل، وجرّب كتير
ويقول بكرة هبقى بخير
لكن حظه كان بيعانده
والحلم منه بقى بعيد

باب يتقفل، باب يضيع
والأمل جواه بيضيع
يقع ويقوم ويقول هكمل
لكن قلبه بقى وجيع

قال: أنا تعبت من المشوار
ومن وجع قلبي والانتظار
أنا حاولت كتير كثييير
والأمل بقى بعيد بعيييييد

كل ما أمد إيدي لحلمي
أرجع شايل ألف انكسار
اقع مرة، اقوم مرة يمكن بكرة
لكن بكرة كان بيتأخر

وبعد ليالي الوحدة والتفكير
والقلب غرقان في بحر كبير
والحزن ساكن في العيون
أنا حاولت كتير كتييير

قال: يمكن أهرب من الوجع
وأرتاح من حمل المصير
والليل يطول، والهم يزيد
والنور عن عيني بعيد

حتى الأمل اللي كان جوايا
صوته بقى ضعيف وبعيد
قال: يمكن أهرب من عذابي
وأقفل في وش الدنيا بابي

يمكن أريح قلبي شوية
من طول وجعي واكتئابي

راح للمستشارة في يوم
وقلبه شايل ألف هموم
قعد ساكت، عينه بتبكي
والحزن مالي كل ملامحه

قعد حيران ….ساكت،
وعينه مليانة أحزان
بصّت له بحنية
قالت له: اتكلم يا ابني

احكي وجعك، واحكي عنك
أنا هنا أسمع حكايتك
خد راحتك، أنا جنبك
اتكلم يا ابني، أنا سمعاك بأمان

قال: أنا تعبت من السقوط
ومن أحلام كل مرة بتموت
كل طريق أمشيه يضيع
وكل أمل في قلبي يفوت

بقيت شايف نفسي فاشل
والحزن في قلبي بقى نازل
والأمل في عيني راحل
حاسس إن العمر خلص

و باب الفرح بقى مقفول

قالت له: اسمعني يا ابني
وخلي كلامي يوصلك يطمن قلبك
الفشل مش حكم على روحك
ولا معناه إنك فقدت نفسك

إنت مش فاشل، إنت تعبان
من كتر ما قاومت الزمان
واللي يقع مش لازم ينتهي
ممكن يقوم أقوى من اللي كان

مش كل باب اتقفل يوم
معناه إن الأمل معدوم
إنت تعبت، وده مش عيب
والوجع مش دايمًا يغيب

يمكن طريقك محتاج تغيير
ويمكن بكرة يبتدي النور
قوم، مش لازم تبقى جبل
ولا لازم تكسب من أول مرة

خد خطوة، حتى لو صغيرة
يمكن تغيّر في حياتك بكرة
طول ما جواك نفس
لسه قدامك ألف درب

مش لازم تكسب من البداية
ولا لازم تنسى الحكاية
خد خطوة، حتى لو صغيرة
يمكن تغيّر كل النهاية

افتح شباكك، خد نفس
وسيّب لقلبك فرصة يعيش
مش لازم كل جرح يختفي
علشان تقدر من جديد تعيش

ما تقولش ضيّعت السنين
قول اتعلمت من اللي فات
يمكن خسرت حاجات كتير
لكن كسبت فهم وخبرات

إنت مش مجموع الخسارات
ولا عنوانك هو الانكسار
إنت قلب لسه بينبض
ولسه قدّامك ألف مشوار

ولو حملك يوم زاد عليك
ما تخليش الحزن يطفي عينيك
اطلب مساعدة من حد أمين
فيه ناس تحبك وتخاف عليك

قال لها: طب لو فشلت تاني؟
ولو رجع اليأس ناداني؟
قالت له: هتكون فاهم أكتر
وهتلاقي حد يقف مكاني

مش لازم تواجه وحدك
ولا تخبي وجعك في قلبك
والبداية مش شرط تبقى سهلة
بس خطوة صغيرة ممكن تنقذك

الفشل مش كل الحكاية
ولا هو نهاية كل بداية
الفشل مش حكم على روحك
ولا هو آخر مشوارك

يمكن يكون درس في الطريق
يمكن ربنا بيغيّر دربك
مش لازم ترجع زي زمان
ولا تفضل أسير الأحزان

يمكن تبقى أهدى وأقوى
وتصالح قلبك بعد الحرمان
قوم يا ابني..
قوم مش لازم تبقى جبل
ولا لازم تكسب حالًا

افتح شباكك، خد نفس
لسه في عمرك ألف طريق
سيب النور يدخل، وانسى اليأس
امشي خطوة، وبعدها خطوة

والقلب يتعلم يعيش
ما تقولش عمري راح هدر
ولا تقول الحلم اندثر
كل تجربة سابت علامة

مش كل وقعة معناها نهاية
يمكن وراها فجر جديد
وكل عثرة منها عبر

ما تقولش: أنا ضيّعت عمري
قول: اتعلمت من اللي فات
كل وجع عدى عليك
كان بيكشف لك حاجات

وامشِ خطوتين في الطريق
بس يكفي إنه يبقى بريق
إنت مش مجموع خسارات
ولا رقم في كشف حساب

إنت قلب لسه بينبض
يعني لسه فيه ألف باب
ولو حملك يوم يزيد
ما توجهش وجعك وحيد

اطلب عون اللي بيحبك
واستعين بأهل الأمان
قال لها: طب لو وقعت؟
ولو رجعت للي ضاع؟

قالت: هتكون فاهم أكتر ،
ومش هتمشي وحدك كمان
تقوم من تاني
والأمل يفتح لك ذراع

مش مطلوب منك تبقى أقوى
ولا تخبي جرحك جوّه
كل بداية ليها خوف
بس خطوتك تقدر تعدّي

مش لازم ترجع نفس الشخص
اللي كان قبل الانكسار
يمكن تبقى نسخة أصدق
وأهدى وأقرب للانتصار7تو

قوم يا ابني، لسه بدري
والعمر لسه فيه مجال

مش كل فشل يبقى نهاية
ده ممكن يكون أول سؤال

سؤال جواك بيقول: هتبدأ إمتى؟
ردّ عليه: هبدأ دلوقتي
أنا وقعت، لكن هقوم
وأكتب بإيدي حكايتي

مش كل فشل نهاية
ولا كل وقعة انكسار
يمكن ورا اليل حكاية
تشرق الشمس بانتصار

مش كل باب اتقفل
يعني ضاع منك الأمل
يمكن بداية حلم جديد
تبدأ بخطوة من العمل

أنا وقعت، لكن هقوم
بعد ليل الحزن والنوم
وقعت، هقوم
بعد ليل الحزن والنوم

أنا مش نهاية اللي فات
أنا بداية يوم جديد

دا مش آخر السطر
دى بداية كتاب جديد