كيف يختفي الحب؟
بقلم د/ برديس رزق
إستشاري الصحه النفسيه والارشاد الاسري والعلاج المعرفي السلوكي وعلاج الإدمان
أسوأ حاجة نفسيًا إن اللي بتحبه يحس إنك ضمنه
لأن الإحساس بالضمان الزائد بيقتل الدافعية العاطفية
وبيحوّل العلاقة من ارتباط حي
لـ مساحة راحة من غير وعي ولا مجهود
في علم النفس
الإنسان بطبيعته يحافظ على ما يشعر بإمكانية فقدانه
لكن ما يراه مضمونًا
يتعامل معه كخلفية ثابتة في حياته
المؤلم إنك ما تتسابش
لكن تتهمّش
ما تتخانش
لكن تُهمل بهدوء
وهنا يبدأ التآكل النفسي
شك في القيمة
محاولات زيادة لإثبات الذات
وخوف دائم من إنك تبقى قليل أو عادي
الحب الصحي
مش قائم على الطمأنينة العمياء
ولا على القلق المستمر
لكن على توازن
أمان مع وعي بقيمة اللي في إيدك.
أي علاقة تخليك تحس إنك مضمون
أكتر ما أنت مُقدَّر
هي علاقة محتاجة وقفة صادقة
أسوأ حاجة إن اللي بتحبه يبقى ضمنك
يبقى مطمّن إنك موجود
مش خايف يخسرك
ولا حاسس إنه محتاج يحافظ عليك
لما الحب يتحوّل لـ “مضمون”
الاهتمام يقل
والتقدير يتأجل
والوجود يبقى عادة مش اختيار
المؤلم مش إنك تحب
المؤلم إنك تتحب كأمر واقع
والحب الحقيقي عمره ما كان اطمئنان زائد عن اللزوم
الحب دايمًا فيه حرص
وفيه خوف جميل من الخسارة
اللي يحبك بجد
ما يركنكش على جنب
ولا يتعامل مع وجودك كأنه حق مكتسب.
