مش بإيدي
سحر ابو العلا
مش بإيدي
الشوق يا سيدي
ومش بإيدي
امحي حبك من تاريخي
ده انت حبك كان بيجري
مجرى دمي في وريدي
وحروف اسمك منقوشة
في خطوط ايدي
مش بإيدي
قولّي ازاي اقتل حنيني
وانزع الشوق من سنيني
وانسى حب العمر كله
وانت كنت سماه وضله
وكنت الزرعة اللي روتها
بنبض قلبي
قولّي ازاي انسى ده كله
وانسى نفسي
ما انت نفسي
وانت نفَسي
وانت يومي
وكنت امسي
وانت بكرة
اللي عشانه
برسم الحلم
وفوق صعاب الكون بعدي
واللي لاجل عيونه أسهر
طول ليالي الشوق لوحدي
بس اشوف جوة عيونه ابتسامة
تسوى فرح الدنيا عندي
