جيت يا رمضان؟
راندة محمود
جيت يا رمضان؟
ومعاك فوانيس؟
والزينة ع الجدران؟
جيت يا رمضان؟
ومعاك فرحة
ف العيون بتبان
جيت يا رمضان
ومعاك لمة
وناس بتهيص
جيت يا رمضا
لكن فيه ناس ما جتش
أمي ما جتش
متاخدة غياب
بوقفتها علي الباب
تستقبل الجايين
بوقفتها ف المطبخ
ما هي اشطر الطباخين
بتعزم ع القاعدين
تعدمني لتاكلها
والله ما هو راجعين
أبويا ما جاش
متاخد غياب
ما هو اشترى و جاب
شئ و شويات
وكتير حاجات
و بضحكة رايقة
يراقبنا متجمعين
ع الفطار يعمل
شوية فول حلوين
بعد الفطار يعمل
شاي ف الخمسين
في رمضان ناس ياما
حاضرين
مع انهم مش موجودين
اعمام و خلان
اجداد وجيران
متاخدين غياب
لكن ف دفتر القلوب
ماضيين
جيت يا رمضان
كنا لك مشتاقيين
ح تفضل تيجي
و حنفضل مستنين
و ربنا يرحم الغايب
ويبارك ف الحاضرين
