……..
كان جاي يومها يعتذر
لكن خلاص
مبقاش مجال للإعتذار
كان عقلي شايف قسوته
وقلبي معمي بالغرام
عقلي يقول كفايانا
يرد قلبي يقول حرام
ولجل قلبي ياما
داق عقلي المرار
وكتير سألني عقلي
على فين آخر المشوار
ولما زاد عن حده قساه
ولما غلب القلب معاه
جه يشتكي للعقل آساه
والعقل ياما غلب وياه
يغلط هو والمفروض
ع العقل يلاقي دواه
ولما فاق القلب خلاص
راجع يعتذر
من بعد كل قسوته
كان لازم قلبي يسلم
وعقلي لازم ينتصر.
سحر ابوالعلا
