Uncategorized

ياعم الحاوي

ياعم الحاوي

الشاعر اللواء محمد هيكل

ياعـم الحـاوي يا مخـاوي …… ما تكسـب فيـا أي ثـواب

و مد إيديك و خد وجعي ….. و خـوفي من زمـن كداب

و نسيني اني ياما عملت ….. جمايل ف اللي باعوا كتير

و نسيني اني ياما اتسابت …. فعز ماعشقي كان بضمير

 

و شيل من عينـي دمعتها

وشيل من روحي كسرتها …. وخد تجاعيـدي مع شيبتي

و خد م العمـــــر.. أحزانه

و خد كل اللي يوم خانوا … و هاتـلي نـاس شبه طيبتي

 

ولو عمـري سنيـن يامـا ….. ولو ضعـف السنين دي كمان

فا خد كل الزمــن مني …. وهات سنه واحده تبقى أمان

 

يا عم الحـاوي خد مني ……….. صحابي كلهم .. و الٱن

و خد عشرتهـم الدايبه ……. اللي سايبه تـل م الحـرمان

وهات صاحب لوحده بس …. يكون وسط الحياه إنسان

 

وهاتلي حبيبه شبه أختي ….. ف ضيقتي حضنها شيال

و خد حيرتي و خد دوختي .. وخد بختي اللي ياما مال

و هاتلي وقت ما اجي انام … ضمير راضي و راحـة بال

 

و خد بالمره ماضي حزين …. بناسه و صحبته الخاينين

ب أحلامــــه و أوهامــــه …… و أيامه اللي فاتـوا سنين

 

و لو صعبـه عليك .. حبه ….. و هتجيب كل ده من فين

فا عاوزك تسحر الخــونه …….. و تقلبهـملي بني ٱدميـن

 

لا فعــلا صعبــه يا مخـاوي …… وشكل الهـم أهو جـالك

سرحت كتير .. ومش ناوي …… و بتفكر .. في أحوالك

انا اللي ب إيدي راح اداوي …. حياتي و شيلهـا من بالك

مهو انت لو صحيح حاوي .. ماكنش ده يبقى يوم حالك

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى