ده كان رد مريم على طارق لما قال لها تتجوزيني
مريم.. دوختني معاك ٦ سنين وأخيراً قلتها
طارق.. مكنش ينفع اقولها غير لما اكون لايق بك
مريم.. وانت كان ناقصك ايه يا بايخ عشان تقولها
طارق.. كان ناقصني ابني عش يليق بعصفورتي الجميلة، كان ناقصني حياة تليق بحبيبتي وبمستواها مكنش ينفع اخدك عشان اعيشك في مستوى أقل من اللي اتعودتي عليه، كان ناقصني اكون مستعد إن يكون عندي بنوتة منك حلوة زيك لما تيجي للدنيا تلاقي اب تفتخر به، تلاقيه عامل لها حياة تليق بها، تلاقيه مستنيها وهو مهيىء فعلا إنه يكون أب جدير بهذا اللقب.
بحبك يا عصفورتي.
بحبك يا بايخ.
سحر ابوالعلا
