شعر وادب

الدنيا وحشة

 

هى الدنيا مالها وحشة كده
يمكن تكون مش متقلبة
ولا مافيهاش سكر خالص
نسيت أحطلها؟
لأ مش متأكدة
لونها باهت
مش مظبوطة
طعمها ماسخ
بقت مسخوطة
طول عمرها محطوطة
على صخرة عالية
وانا مش طايلة
ولا مصدقة ان النار
فى الدنيا موجودة
انا على طول متخيلة
انها جنة فوق العادة
عيشاها سعادة بزيادة
معرفش الناس و اللى جواها
لكن في مواقف فوق بعضها
بتطلع الكلمة من قلبها
تشوف بعينها تسمع بودنها
وتعرف مكانتك عندها
وتشوف الناس من غير الوان
من غير كلام حاطط مكياج
اعرف قيمتك لكن بلاش
تبقى واخد قوى ع السكر
ولا بغبار القسوة تتعفر
تسيب مايتك تتعكر
اسند نفسك خد بخطرك
اوعى بنفوسهم تتأثر

راندة محمود

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى