الحب كتبت ايمان طلعت
الحب هو مجموعة من المشاعر المختلفه و المشاعر مثلا حب الام او الاب او الاخت أو الصديق بس يختلف كتيرر عن حب الزوج يختلف عن حب الطعام و لكن مفيش حد يقدر يعيش بدونه.
ايضا يوجد الكثير من انواع الحب ك حب العائله , حب الصديق , الحب الرومانسي , حب الضيف , حب الإله ..
و الحب مثلا كالحب دون مقابل , حب الذات , حب التملك , حب الي درجه الجنون .
و كمان ف جسم الانسان هرمون يسمي بهرمون الاوكسيتوسين , و المعروف بهرمون المحبين ،و يفرزه الجسم عندما يتم اللقاء بينهم .
الحب عطاء و تأثر عاطفي بشخص آخر،و الشعور برباط دافئ، و هو مودة عميقة .
كما قال الفلاسفه و الحكماء
_ الحب اعمي ( أفلاطون)
_ما الحب الا جنون (شكسبير)
_الحب دمعة و ابتسامة ( جبران )
سالت كذا حد اي هو الحب و كانت اجابتهم اد اي بسيطه و لطفيه !!!
1 .. بصي الحب دا حاجه لطيفه جداا. يعني مثلا انك تتخنقي من الدنيا كلها ف تلاقي حد بيحبك يبقي معاكي ويدعمك .اما مثلا تحسي بالفشل ف يدعمك ويقولك انك تقدري ع اي حاجه .بصي هو الحب بينور الدنيا كلها اصلا بس طبعا مع الشخص الصح
بصي بصراحه لما ببقي بحب حد اووي ببقي عاوزه افضل ابصلو واقوم اكلو او ابوسو حاجه ف الرينج دا .
2..الموده والرحمه ونكون بنحترم بعض بنخاف علي بعض صحاب اكتر من أننا احباب نعرف نقف جنب بعض ندعم بعض في أي حاجه نفسيا ومعنويا وكل حاجه حاجات كتير اويي .
……..
3 ..الحب بالنسبالي الامان الاحترام الاهتمام الحب بيكون تعود ومواقف حلوه لما يثبت أنه فعلا بيحب لما ميهنش عليه زعلك بيخاف عليكي وبيغير عليكي يطمن عليكي كل شويه ديما يقول كلام حلوه عايزه يجبلك اي حاجه بتحبيها عايزه يجبلك حته من السمأ لما تكونه ف تجمعات وعينه متجيش غير عليكي وبصته ليكي وانتي بتاكلي دلعه ليكي قدام الناس لما يفتلحك بابا العربيه ويشدلك الكرسي فالكافيه كدا .
4 . ونس واكتفاء .
5. ابقي مطمنة ان ف حد معايا وعمره ماهيسبني حد لو وقعت يقومني ولو معرفش يقع معايا ، الحب يعني احس بالامان وان لو الدنيا كلها فهمتني غلط الشخص اللي بيحبني عمره مايفهمني غلط ويفهمني صح ، الحب اهتمام واحترام وثقة وامان ومشاركة وتفاهم وحاجات كتيرة اوي .
6 .. الحب بالنسبالي الامان .
7. الحب هو الأمان ، اني اكون مطمنه مع الشخص ده انام وانا حاسه اني لا هتخان ولا هتساب فجاه انو يحترمني ويقدرني ، انو يكونلي كل حاجه ويطمني ويكون حنين عليا ويخليني مبسوطه ميخلنيش اندم ف يوم اني اختارته .
8 .. انا بالنسبالي الحب هو الاحتواء الحنيه عدم القسوه الاهتمام الثقه الاحترام . لما اكون مدايقه اول حد اجري عليه و احكيله و يسمعني و يطمني . نقول كلام سبورت لبعض . اما بحب حد ببقي شايفاه اجمل و احسن حد ف العالم كله. الحب موده و رحمه . ميهنش عليه زعلي . ميكسفش انو يعبرلي عن حبه قدام اي حد .. بحتار اما حد يقولي وريني صورته كدا بحاول ادور ع اجمل صوره ليه و بوريهالوا و بقول بس ف الحقيقه قمر لانه مش بيكون شايفه زيي .
و الكل اتفق ان الحب يتلخص في الاهتمام . الحنيه . الاطمئنان . و احب اضيف أن الحب اجمل حاجه ممكن الإنسان يعيشها مع انسان يحبه و يحترمه
ايمان طلعت
