بقلم: راندا محمد
انا المصرى فى ميلى ثبات
وثباتى فى وقوفى
ما يغركش لحظة ضعفى
ما تفرحش بوقت خوفى
المصرى لو لوحة فى مزاد
بيقول للدنيا تعالى شوفى
انا صاحب البيت
و كل العالم ضيوفى
انا اللى باديت و بانيت
عليت وحفرت بكفوفى
عملت المعجزات
وقفت الدنيا فى صفوفى
أنا أول الصف
ورصيت الباقى فى رفوفى
يتفرجوا عليا و أنا ببنى
واللى اتعلم حروفى
عرف انى ملكت العالم
ومهما تلفى و تطوفى
انا الفرعون رغم كل ظروفى
انا المصري
