______
حبيتك من حبك ليا
وعرفت معاك
ازاي ممكن القى
في قلب غير قلب
ابويا الحنية
كنت ونيسي
وكنت في عز الوحدة
جليسي
اسكت تسمع صمتي
عمرك ما شكيت
من كتر ما بشكيلك
همي
وان مرة حزنت
كنت بكلمة واحدة
منك تمحي سبب
حزني
كان لك كدة تركيبة
عجيبة
جد وبتحب الهزار
حنين اوي وفي
العصبية جبار
في الحب رومانسي
بشكل رهيب
فيك من روميو وقيس
بس ما عمروش بان عليك
كنت تغير ويبان في عنيك
كنت تخاصم ممكن تبعد
بس اقرب ترجع زي الطفل
لحضني
كنت بحسك اوقات ابويا
وأوقات تانية بحسك ابني
بس في كل الأوقات
كنت حبيبي
وانت قريب وانت بعيد
ساكن دايما جوة وريدي
قولي ازاي
يبقى في قلبي الحب ده كله
ولسة بتسأل بتحبيني ؟
___________________
سحر ابوالعلا
#السلطانة
