عالم الفن

نوران محمد تحاور الفنان عبد الله عبد الغنى

كلمنا أكتر عن” عبدالله عبدالغني”؟

انا عبدالله عبدالغني عوض.
طالب بالمعهد العالي للفنون المسرحية قسم التمثيل و الاخراج عندى 22 سنه.

من هو الداعم الاكبر ل “عبدالله عبدالغني ” و مكتشف موهبته؟

الداعم الاكبر ليا والدى و والدتي و اخواتي و صحابي.

هل كان حلم” عبدالله عبدالغني” منذ الصغر هو التمثيل ام شئ اخر؟

حلم التمثيل بدا معايا من الثانوى لما دخلت مسرح المدرسه و من هنا بدأت الرحله.

كلمنا اكتر عن هوايتك و بتحب تعمل اي مع التمثيل؟

بحب الرياضة بشكل عام مينفعش يعدي عليا فتره من غير ما ألعب رياضه سواء كوره قدم أو الچيم او سباحه.

ما الصعوبات و الانتقادات التي واجهتها في هذا المجال؟ و كيف تغلبت عليها؟

المجال صعوباته في المدعيين اللي مبيشوفوش الصوره كامله بس بينقلوها من وجهه نظرهم لمجرد ان التواجد أو الشو و دى اكتر حاجه بتضايقني لكن انا بتقبل النقد البناء جدا.

 

كيف كانت كواليس مسلسل “حلم”؟

كواليس مسلسل” حلم” كانت جميله جدا بسبب الدعم الكبير اللي كان بيدعمهولي الاستاذ المخرج”حسني صالح” كان بيديني ثقه في نفسي و ده كان اكتر حاجه بتحفزني في الشغل.

 

هل تفاعلت مع ردود افعال الجمهور و ما ابزر التعليقات اللي حصلت عليها؟

ردود أفعال الجمهور علي الدور كانت جميله جدا و مش بس من دائرة القريبه ليا من اهل و صحاب لا انا في ناس بقت تقابلني في الشارع و تكلمني علي الدور ده و ده من اكتر الحاجات اللي فرحتني.

 

ما هو شعورك عندما تقف و تمثل امام الفنانه “صابرين” ؟

استاذه” صابرين “ذوبت كل الحواجز اللي بينا و كانت بتاعتنا بتلقائيه و جميله و ده ساعدني جدا.

كلمنا أكتر عن تجربتك علي المسرح؟

أنا بدأت في المسرح من حوالي سبع سنين و كانت البداية في مسرح المدرسه و بعدين فرق حره و قصور ثقافة مرورا بمسرح الجامعه و حاليا أنا بدرس في المعهد العالي للفنون المسرحيه

من وجهه نظر “عبدالله عبدالغني” اي الدور اللي قمت بيه و اثر في حياتك الفنيه؟

دور هاملت لان هاملت من أقرب الشخصيات لقلبي و قدرت من خلاله كمان اني اقدم فب المعهد بمونولوج من المسرحية و دا حببني اكتر في الدور

 

من هو مثلك الاعلي من الفنانين؟

مثلي الاعلي الأستاذ الكبير”محمود عبدالعزيز ” و الاستاذ “خالد صالح”و الاستاذ” ماجد الكدواني”و النجم الكبير”كريم عبدالعزيز”

 

بتجهز حاجه جديده تقدمها في رمضان؟
انا حاليا في مسابقة الدوم اللي بتتعرض علي اون
بس قريب إن شاء الله يكون في حاجه.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى