الصحاب
بقلم سحر ابو العلا
ولما قلت يا صحاب
لقيت انا نفسي وحداني
وكل الدنيا بايعاني
في الشدة
لوحدي بطولي انا بعاني
وانا اللي ياما كنت لهم
في وقت الشدة بسندهم
في في وقت الفرح يلقوني
وفي الاحزان اكون موجود
من غير ما حتى ينادوني
لكن حقيقي والله
صدق من قال
الناس معادن وقت الشدة بتبان
وانا كنت فاكرهم دهب
طلعت لمعتهم قشرة
ياما صنت عشرتهم
وهانت عليهم العشرة
زمان قالوا في الامثال
تعرف فلان
اذا ما عاشرتوش تبقى
ما تعرفهوش
وفي زمنا
تطول العشرة ولا يبانوش
وتجي الشدة فتبين
مين أصلي ومين
مطلي دهب قشرة.
