صحة ورشاقة

احذر من السكريات بعد التمرين

احذر من السكريات بعد التمرين !!!!!!
متابعه/غادةإبراهيم
لما بتشرب حاجه في سكر كتير ده بيعلي الانسولين وزي مانتوا عارفين ان العلاقه بين الانسولين و ال GH ( هرمون النمو) علاقه عكسية يعني لما الانسولين يعلي ال GH يقل مستوياته في جسمك(حقيقه مثبته علميا)

من ضمن الحاجات اللي بتعلي مستوي ال Growth hormone هي التمرين ذو الشده العاليه، يعني وانت في الجيم وبتتمرن تمرينه قويه معتبره في الوقت ده هرمون النمو بيعلي لما انت تخلص التمرين وتروح تاكل حاجه مسكر او فيها كارب عالي اللي انت بتعمله كده انك بتقلل من هرمون النمو لان الانسولين هيعلي عشان يتعامل مع كمية السكر او الكارب اللي دخلتله.

طب اعمل ايه
انا خلصت تمرين ومرهق وعيني مزغلله بسبب التمرين القوي وسكر الدم منخفض.

لما تروح وتاكل وجبه فيها نسبة دهون وبروتين مع كارب قليل بقدر الامكان ومضاف لها قدر بسيط من الملح مستوي الانسولين هيعلي اه بس لمستوى طبيعي مش هيحصله صعود كبير زي اما تهجم علي جسمك بكمية سكر عاليه او كارب عاليه.

جسمك بعد الوجبه دي هيستعيد توازنه والزغلله هتروح.
طب الملح ايه لزمته مش الملح وحش؟
الملح فيه الصوديوم والملح اصبح له سمعه سيئه شويه والبعض بيبتعد عنه تماما.

الصوديوم من المعادن المهمه للجسم ومن ضمن الحاجات اللي ممكن تعالج انخفاض ضغط الدم بشكل سريع بعد التمرين ( الدوخه والزغلله) هي قدر بسيط من الملح ممكن يرجع ضغط الدم لمستوياته الطبيعيه مع الاخذ بالعلم ان احتياجك اليومي من الصوديوم هو من 1500 مللي جرام الي 2300 مللي جرام يوميا يعني من جرام ونص ل 2 جرام و300 مللي جرام يوميا.

اكيد لو استمرت الزغلله والدوخه في الحاله دي ممكن تكون محتاج حاجه مسكره بس مش لازم تكون حاجه فيها سكر عالي ممكن تكون محتاج حاجه فيها سكر طبيعي زي موزه مثلا.
اللي اقصد اقوله انك ممكن تحافظ علي مستوي عالي الي حد ما من ال gh وبالتالي توصل جسمك لحاله من الاستمرار في حرق الدهون و البناء العضلي.

طيب يا كوتش اية الاكل المفيد اللي ممكن يكملي النقص الناتج بعد التمرين وهل اخد المكمل بعد التمرين مباشرتا هقولك يا سيدي بعد التمرين ممكن ناخد شوب عصير برتقال من غير سكر وكد نبقي كسرنا المعادلة وبعدها وبعدها اضرب وجبة غنية بالبروتين والكارب مع كمية خضروات مناسبة كدة يبقي عدي علي التمرين نصف ساعة شربت عصير وكلت وجبة لها العامل الاكبر للزيادة الضخ والتعويض واعادة البناء الناتج عن التمرين بعد الطعام بربع لنصف ساعة اخد مكمل سريع المفعول لو في لو مفيش كدة انت ماشي بمستوي جيد ومفيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى