فاطمــه و عب دايــم في عيدالحـب
.
.
.الشاعر اللواء محمد هيكل
منيش ناوي .. يا فاطمه أجيب
لا قلـب أحمـــر .. و لا دباديـب
و لو عاوزه … هدايـا …. حـب
ف قلبـي الــورد شكلــه رهيـب
.
يا بـت دا قلـــب عب دايـــــــم
حنان أخضـر و شـوق هايـــــم
دا جوايــا الربيـــــــع دايـــــــم
و لو كان شَعـــري كلـه شيــب
.
أنـا إيدي …،،.. كتيـــر طايلــه
أجيبـلك أحلـى (لانــد سكيب)
فا إوعـي تقـــولـي دي جالهــا
و إوعي تقــولـي : دا بيجيـب
.
و ترضــي بعـــــد شيبتــي دي
أخيب يعنـي واشيــل دباديب !؟؟؟
أنا مش فادي ……. و لا تامـر
عشان واحــد يقــولـي : عيـب
.
يابت الحب مش ورده ….. ولا دبدوب
ولا حاجة تساوي. . لحظتين إحساس
دا حضن بطبطة و قت الزعل والخوف
يساوي الدنيا و مافيها .. يابنت الناس
.
و انا والله قلبي زارعو ليكى عمار
و أطعم حاجة لما استطعمك ع الريق
ولو قالولي يوم م الدنيا ايه تختار
هتبقي انتي البشر و الدنيا و المخاليق
.
ومنيش ناوي يا فاطمــه أجيب
لا قلــب أحمــر … و لا دباديـب
و لو عاوزه ….. هدايـا … حـب
ف قلبي الـــورد شكلــه رهيـب
.
.
.
