خليكي هنا
الشاعر اللواء محمد هيكل
ف الشتا انا بظهر على عيبي
و محال ف البرد ينام رمشي
خليكي هنـا … إوعي تغيبـي
هتسيبي إزاي قلبـي وتمشـي !؟
.
م البرد أنا برعــش واتكفـّى
و بعـادك بيهـــــد فــ حيـلـى
وحيـــاة النعمــــة انا بدفـّـى
بمجــرد ما انتـــي تبصيـلى
.
فما بالك بقى …. لما تحني
وف حضن عنيكى تخبيني
الدفـــا هيطبطـب ع الننـي
والشمـس هتنـزل تلاغيني
.
و الروح ف ملايتك تتخفى
م الخوف والبــرد اللي مالينـــي
وحيــاة النعمــــة انا بدفــى
بمجـــرد مـا تشوفــــك عينـــي
