…………. سحر ابوالعلا
آية… احمد بتحبني
احمد…. طبعا بحبك
آية….. حتى بعد ما شعري وقع وخسيت وبقى شكلي وحش
احمد…. انت هتفضلي في عنيا اجمل بنوتة شفتها، الوحيدة اللي خطفت قلبي من بين كل بنات الجامعة.
آية…. وهتفضل تحبني كدة ع طول
احمد….. وعمر حبي لك ما هيقل ابدا
آية… حتى بعد ما اموت
احمد…. بعد الشر عليكي يا حبيبتي اوعي تقولي كدة تاني انتي عارفة ان انا وياسين منقدرش نعيش من غيرك.
آية…. اوعدني يا احمد ان لو جرالي حاجة متتجوزش، ولو حصل يعني متربيش ياسين مع مرات أبوه ابقى خليه مع ماما.
احمد….. وبعدين بقى يا آية في كلامك الرخم ده، وبعدين هو مش الدكتور مانع عنك الكلام كتير ارتاحي بقى لو سمحت
آية… لو سمحت انت يا احمد اوعدني
احمد…. يا ستي ان شاء الله محدش هيربي ياسين غيرك، وبعدين جواز ايه اللي هتجوزه بعدك، انت اللي يتجوزك مينفعش يتجوز غيرك
آية… تقصد اني كرهتك في الجواز بقى ولا ايه
احمد…. اقصد اني اكتفيت بك يا حبيبتي عن كل ستات العالم
آية… ربنا يخليك ليا يا احمد
احمد… ربنا يخليكي انت ليا ولياسين وتعيشي لحد ما تجوزيه
بيبتسم احمد وهو بيفتكر حديثه مع آية وهو بيمسح دموعه الممزوجة بابتسامته يوم فرح ياسين بعد عشرين عاما من وفاة آية ولكنها ما زالت حية بداخله.
سحر ابوالعلا
#السلطانة
