شعر وادب

نفسي أشوف رمضان ….

نفسي أشوف رمضان….

بقلم/ د.شعبان الشهاوى 

نفسي أشوف رمضان
تاني بينا وينور
ونعيده للأذهان
لياليه ونصور
نفسي ياشهر الصوم
يلي مفيكشي غيوم
تيجي ماتتاخر
نسمع كلام ربنا
نسجد له ونكبر
نفسي تيجي تلمنا
طبلية وحصيرة
مع اهل وحبايب
والصحبة والجيرة
نفسي ف أذان أسمعه
ف الفجر والمغرب
وصفوف ومتنظمة
تراويح وبتصلي
ونقيم في ليله الصلاة
نختم حياتنا بيه
نفسي ف سيدنا النبي
يا ربنا نزوره
ندعي لبنت وصبي
يتمتعوا بنوره
نفسي ف كتير يارب
مانعيشوا لحظة ف كرب
مع صحة ويا الستر
ونشوف سلام مش حرب
نفسي اشوف رمضان
عبدك انا شعبان
جوايا انا تعبان
مشتاقله وانا ولهان
قرب بقى يلا
وتعالى ياابو صيام
زورنا وماتقصر
جوانا شوق وحنان
قرب ماتتأخر
قرب ما تتاخر
١٠ فبراير ٢٠٢١

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى