Uncategorized

ليه بتهربي..

ليه بتهربي..
سحر ابوالعلا
من عيني ليه بتهربي
وكأنك خايفة تقربي
هوأنت خايفة تعشقي
ولا قابلتي حد قبلي
خلاكي كارهة تعشقي
طب جربي.
انا حبي لك هيبقي غير
انا قلبي لك كله خير
مدي اديك واحضني
الدفا فى كفوفي
انا قلبي لك هيبقى
بيت بكرة تشوفي
طب قربي
طب قربي راح تسمعي
نبض قلبي بيندهك
هكون دواك لو شيء
فى الدنيا هيجرحك.
وهكون أمان لو
جرب الخوف يلمسك.
بس افتحي
بس افتحي قلبك
لقلبي واعشقي
ده أنا بعشقك.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى